Túrkııada aldaǵy kúnderi COVID-19-ǵa qarsy vaktsınatsııalaý bastalady

ANKARA. Anadoly – QazAqparat – Osy aptanyń sońyna qaraı Túrkııada koronavırýsqa qarsy ekpe salyna bastaıdy. El prezıdenti Rejep Taıyp Erdoǵan Mınıstrler kabınetiniń otyrysy boıynsha ótken brıfıngide osylaı málim etti, dep habarlaıdy QazAqparat Anadoly agenttigine silteme jasap.

«COVID-19-ǵa qarsy vaktsınany beısenbi nemese juma kúni belgilengen tártip boıynsha ege bastaıdy», - dedi prezıdent Erdoǵan.

Onyń aıtýynsha, COVID-19 juqtyrǵandar azaıǵan saıyn bılik indettiń taralýyna qarsy kúres kezinde jarııalanǵan shekteýlerdi birtindep jeńildete bermek.

«Elimizde koronavırýs indeti kóp tarala bastaǵanda biz jańa jaǵdaıǵa tez beıimdele aldyq. Jańa aýrýhanalar ashyp, densaýlyq saqtaý salasynyń myqty ınfraqurylymdary men júıesin kúshete tústik», - dedi prezıdent.