Túrkııada alapat órt bolyp, 4 qonaqúı túgeldeı janyp ketti
ASTANA. QazAqparat - Túrkııanyń Antale provıntsııasynda alapat órt bolyp, 4 qonaqúı, bir dúken men meıramhana túgeldeı janyp ketti. 18 saǵatqa sozylǵan órt ǵımarattarmen qosa, qaraǵaıly orman men jemis-jıdek baqshasyn jaıpap ótti, dep habarlaıdy RBK.
Tilsiz jaýmen arpalysqan órt sóndirýshiler jerden de, aspannan da sý shashty. Degenmen lapyldaǵan otty 18 saǵatta áreń aýyzdyqtady. Sol ýaqytta 125 gektar jer otqa oranyp úlgerdi. Mitah Hotel, Cici Baba Hotel, Erenler Hotel, On Hotel qonaqúıleri endi týrısterdi qabyldaı almaıtyny anyq. Bul ǵımarattardyń kúli ǵana qaldy. Abyroı bolǵanda, qonaqúı turǵyndarynyń bir de biri zardap shekkekn joq. Olardy der kezinde evakýatsııalap úlgerdi. Aldyn ala aqparat boıynsha, órttiń shyǵýyna kún ystyqta alaý jaqqan adamdardyń abaısyzdyǵy sebep bolǵan.
