Túrkııada Abaı jylynyń saltanatty ashylýy ótti
QR Syrtqy ister mınıstrligi baspasóz qyzmetiniń habarlaýynsha, saltanatty sharaǵa Qazaqstannyń Túrkııadaǵy Elshisi Abzal Saparbekuly, QR Mádenıet jáne sport vıtse-mınıstri Eldos Ramazanov, TÚRKSOI Bas hatshysy Dúısen Qaseıinov, «TRT Avaz» dırektory Sedat Saǵyrkaıa, Kechıóren mýnıtsıpalıtetiniń basshysy Týrgýt Altynok, Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń qamqorshylyq keńesiniń tóraǵasy Musa Iyldyz, sondaı-aq Túrki keńesine múshe memleketterdiń elshileri, sheteldik dıplomattar, zııaly qaýym ókilderi jáne qazaqstandyq stýdentter qatysty.
Іs-sharany ashqan TÚRKSOI Bas hatshysy D. Qaseıinov Elbasy Nursultan Nazarbaevtyń «Abaıdy taný – Qazaqstandy, qazaq halqyn taný» degen sózine nazar aýdaryp, túrki áleminiń mádenı astanasy - Osh qalasynda ótken Túrkitildes memleketterdiń mádenıet mınıstrleriniń jınalysynda 2020 jyl Abaı jyly dep jarııalanǵanyn eske saldy.
Eýrazııa Jazýshylar odaǵynyń tóraǵasy ıAkýb Ómeroglý Abaı – qazirgi qazaq ádebıetiniń negizin qalaýshy, túrki tildes halyqtardyń rýhanı qazynasyna baǵa jetpes úles qosyp qana qoımaı, qazaq halqynyń ult retinde qalyptasýyna yqpal etkenin atap ótti.
Saltanatty jıyn barysynda Elshi A. Saparbekuly Memleket basshysy Qasym-Jomart Toqaevtyń «Abaı jáne Qazaqstan HHІ ǵasyrdaǵy» atty maqalasynda zııatkerlik ult qalyptastyrý ıdeıasy Abaıdan bastaý alatynyn atap ótti. Óz sózinde ol uly oıshyldyń adamgershilik murasyn zertteýdiń mańyzdylyǵyna toqtaldy.
Kesh sońynda Qazaqstan, Qyrǵyzstan, Moldova, Ózbekstan jáne Ázerbaıjan ártisteri Túrkııanyń Prezıdenttik sımfonııalyq orkestriniń súıemeldeýimen Abaıdyń mýzykalyq murasyn oryndady. Talantty ártister kórermenderdi uly aqynnyń «Aıttym sálem, Qalamqas», «Jelsiz túnde jaryq aı», «Kózimniń qarasy» jáne t. b. Shyǵarmalary oryndady.
Sonymen qatar, «TRT Avaz» telearnasy saltanatty kontsertti tolyǵymen túsirip, 350 mıllıon kórermenge kontsertti kórýge múmkindik berdi.
