Túrkııada 98 qytaılyq azamat jasandy qyrǵyz qujattarymen ustaldy
BІShKEK. QazAqparat - Ystambulda (Túrkııa) Úrimjiden (QHR) Djıddaǵa (Saýd Arabııasy) bet alǵan shekarashylarǵa qyrǵyzstandyq tólqujat usynǵan ulty uıǵyr QHR-dyń 98 azamatynyń ustalý faktisi boıynsha Qyrǵyzstanda shý shyqty.
Túrik BAQ derekterine sáıkes qytaı azamattary Ystambul áýejaıynan Soltústik Kıprǵa deıin reıske bılet alǵan. Tranzıttik zalda tólqujatyn tekserý kezinde tórt belgisiz azamat Qyrǵyzstan azamatynyń jalǵan tólqujatyn usynǵan. Olardyń árqaısysy bıletke 2500 eýro, 300 dollardan tólegen.
Qyrqyzstannyń «Ata Meken» fraktsııasynan Jogorký Keneshiniń depýtaty Almambet Shykmamatov búgin ótken parlament otyrysynda qyrǵyz tólqujattaryn sheteldikterge satý halyqaralyq krımınaldyq bızneske aınalyp bara jatqanyn málimdedi. Osy oqıǵa jóninde Memlekettik ulttyq qaýipsizdik komıteti men Memlekettik tirkeý qyzmetiniń birinshi basshylaryn tyńdaýdy usyndy.
«QHR-dyń 98 azamaty Ystambul áýejaıynda jalǵan qyrǵyz tólqujatymen ustaldy. Bul asa iri tótenshe oqıǵa. Buryn 1-2 jaǵdaı kezdesse, osy joly 98-ge jetken. Bul kánigi halyqaralyq krımınaldyq bıznes. Bul bizdiń azamattar úshin, el qaýipsizdigi úshin úlken qaýip», - dedi ol.
Búgin túske deıin Memlekettik tirkeý qyzmetiniń tóraǵasy Taıyrbek Sarpashev jedel májilis ótkizdi. Barysynda túrik tarapynyń dıplomatııalyq arnalarynan tólqujat derekterin (serııa, nómir) suratý sheshimi qabyldandy.
