Túrkııada 6,1 magnıtýdaly jer silkinisi boldy

ASTANA. KAZINFORM — Túrkııanyń Balykesır provıntsııasynda 6,1 magnıtýdaly jer silkinisi tirkeldi, dep habarlaıdy Túrkııanyń Tótenshe jaǵdaılar basqarmasy (AFAD).

AZERTADJ agenttigi basqarmaǵa silteme jasap habarlaǵandaı, jer silkinisiniń oshaǵy Balykesır qalasyna qarasty Syndyrgy aýdanynda ornalasqan.

Jer asty dúmpýi jergilikti ýaqytpen 19:53-te bolǵan jáne ol eldiń Mármár jáne Egeı óńirlerindegi birneshe provıntsııada, sonyń ishinde Ystanbul qalasynda da sezilgen kórinedi.

Túrkııanyń batysynda bolǵan jer silkinisi saldarynan shamamen 10 úı qırady. Bul týraly  NTV telearnasyna silteme jasap TASS agenttigi habarlaıdy. Qazirgi ýaqytta qaza tapqandar týraly aqparat túsken joq.

Sonymen qatar Túrkııa Іshki ister mınıstrliginiń málimetinshe, qıraǵan úılerdiń biriniń astynan tórt adam aman-esen qutqarylǵan. Qutqarý jumystary jalǵasyp jatyr.

Budan buryn tehnologııalyq alpaýyt Google kompanııasy Android jer silkinisi týraly eskertýler (AEA) júıesi 2023 jyldyń 6 aqpanynda Túrkııada bolǵan joıqyn jer silkinisi týraly halyqty durys eskertpegenin resmı túrde moıyndaǵanyn jazǵanbyz.