Túrkııada 52 gradýs aptap ystyq boldy
Adana, Mersın, Hataı jáne Osmanıede 40 gradýstan asqan aýa temperatýrasy halyqtyń kúndelikti tirshiligine kádimgideı keri áserin tıgizip otyr.
Aýa temperatýrasy 44,4 gradýsqa jetken Adanada adam kóp júretin kósheler men býlvarlarda tynyshtyq ornady, saıaq júrgen kisi joq.
Kóshege shyqqandar ystyqtan qorǵaný úshin saıabaqtar men demalys oryndaryndaǵy shatyrlardy panalaıdy.
Keı adamdar qalpaq kıip, qolshatyr alyp, aptaptyń áserin azaıtýǵa tyrysty.
Mersınde ylǵal 50 paıyzdan asty. Al aýa temperatýrasy 40 gradýstan joǵary.
Qala ortasyndaǵy jaǵajaılar men alańdarda eshkim joq. Jaǵalaýda serýendeýshiler aǵashtardyń kóleńkesine tyǵyldy.
6 aqpanda Kahramanmarashta bolǵan jer silkinisinen eń qatty zardap shekken provıntsııalardyń biri Hataıda aýa temperatýrasy 43 gradýstan asty.
El kún sáýlesinen qorǵaný úshin kóleńke men aǵashtardyń túbin saıalap otyr.
Óńirdegi ystyq aýa raıy Osmanıege de áser etti.
Qalypty aýa temperatýrasynyń ózi 44 gradýsqa jýyqtaıtyn qalada turǵyndar dalaǵa tek keshki ýaqytta shyǵatyn boldy.
Kúnniń áserinen Adnan Menderes kóshesindegi termometr 52 gradýsty kórsetti.