Túrkııada 500-ge jýyq meshit jabyldy
ASTANA. 6 qyrkúıek. QazAqparat - Imam men azanshylardyń jetispeý sebebinen túrik elinde 500-ge jýyq meshit óz jumysyn toqtatty. Bul jaıynda Haberturk aqparattyq portaly habarlaýda.
Ulttyq qozǵalys partııasynyń depýtaty Rýhsar Demıreldiń parlamentke joldaǵan saýaly da osy eldegi meshitter máselesi jaıly bolatyn. Atalmysh saýalǵa jaýap retinde premer-mınıstrdiń kómekshisi Bekır Bozdag myrza Qarabúk provıntsııasynda 50-ge jýyq meshit ımamdardyń jetispeýshiliginen jabylǵanyn, sondaı-aq búkil respýblıka boıynsha qurylys jumystaryna baılanysty 40-qa jýyq qudaı úıi óz qyzmetterin toqtatqanyn resmı túrde málimdedi.
Muslim.kz saıtynyń jazýynsha, búgingi tańda túrik elindegi meshitterdiń jalpy sany - 84 684 bolsa, dinı qyzmetkerlerdiń uzyn sany 105 myńna asyp-jyǵylatyn kórinedi. Al, endi Bozdag myrzanyń aıtýynsha, elde ýaqytsha jabylǵan meshitter sany - 454.
«Ústimizdegi jyldyń maýsym aıynan bastap osy olqylyqtardyń ornyn toltyrý maqsatynda 1800 ımam men azanshy jumysqa kirisip te ketti. Buǵan qosa,úkimet tarapynan eldegi meshitterdi din ókilderimen tolyqtyrý mindeti alǵa qoıylyp otyr. Osy maqsatta mektep túlekteri arasynan 2500 ımam men 5000 azanshy daıyndaý maqsatynda atalǵan meshitterge jóneltiledi.
