Túrkııada 50 mln qoldanýshyǵa Instagram-ǵa kirýge tyıym salyndy

ASTANA. KAZINFORM — Juma kúni tańerteń Túrkııada tehnologııalar jáne kommýnıkatsııalar Keńesiniń sheshimimen Instagram jelisi buǵattaldy. Vedomstvonyń saıtynda buǵattaýdyń sebebi men uzaqtyǵy aıtylmaǵan, dep jazady TASS.

Birgün gazeti bul sheshimniń Iranda HAMAS saıası bıýrosynyń basshysy Ismaıl Hanııanyń qazasyna aıtylǵan tolassyz kóńil aıtýlarǵa baılanysty qabyldanǵanyn joqqa shyǵarmaıdy.Túrkııa prezıdenti ákimshiliginiń kommýnıkatsııalar bóliminiń basshysy Fahrettın Altýn bul sheshimdi synǵa aldy.

CNBC telearnasynyń málimeti boıynsha, tehnologııalar Keńesi áleýmettik jelilerdiń jumysyn shekteý úshin óz ókilettiligin paıdalanýǵa quqyly, biraq onyń sheshimi 24-48 saǵat ishinde sot organdarymen bekitilýi kerek. Instagram-ǵa qatysty úkimdi Ankara soty 2 tamyzda bir kún ishinde shyǵarady.

Qazirgi ýaqytta Túrkııada tanymal resýrs kompıýter nemese mobıldi qurylǵylardan airý múmkin emes. Kóptegen paıdalanýshylar Instagram-ǵa VPN jáne basqa balama nusqalar arqyly kirýge tyrysady.

Túrkııadk Instagram qoldanýshylarynyń sany 50 mıllıon adamnan asady.