Túrkııada 5 myń jyl buryn jasalǵan oıynshyq arba tabyldy
ASTANA. QazAqparat - Túrkııada 5 myń jyl buryn jasalǵan oıynshyq arba tabyldy. Bul týraly Azertadj aqparattyq agenttigi avtorambler saıtyna silteme jasap habarlady.
Ǵalymdardyń aıtýynsha, oıynshyq qala bıleýshisine nemese beldi sheneýnikterdiń biriniń ulyna tıesili bolǵan. Arheologtar sazdan jasalǵan oıynshyqty qola dáýirine jatqyzyp otyr, al jasy bes myń jyl shamasynda. Arba asa meıirimdilikpen jasalǵanyn ańǵarýǵa bolady. Máselen, onyń arqa tusynda oıýlar oıylǵan, al dońǵalaqtary bilikpen biriktirilgen.
Tarıhshylar mundaı oıynshyq kólik quralynyń tabylýy ejelgi zamandy zertteýde orasan zor mánge ıe ekenin aıtady. Bul oıynshyq 5 myń jyl buryn da balalar qazirgi baldyrǵandardyń ermegine óte uqsas oıynshyqtarmen oınaǵanyn dáleldeıdi. Ǵalymdar onyń tóńiregindegi zertteý jumystaryn bastap ketti. Arheologııalyq ekspedıtsııa músheleriniń aıtýynsha, jýyq arada oıynshyq mýzeıge tapsyrylady, al keshendegi qazba jumystar jalǵasýda.
