Túrkııada 5 baldyq jer silkinisi boldy

DıÝZDJE. QazAqparat – Túrkııanyń soltústik-batysyndaǵy Dıýzdje provıntsııasynda Rıhter shkalasy boıynsha 5 baldyq jer silkinisi boldy, dep habarlaıdy QazAqparat Anadolý agenttigine silteme jasap.

Túrkııa úkimeti janyndaǵy tótenshe jaǵdaılardyń aldyn alý men saldaryn joıý boıynsha basqarmanyń (AFAD) habarlaýynsha, jerasty dúmpýleri jergilikti ýaqyt boıynsha saǵat 15:40-ta 18,02 kılometr tereńdikte bolǵan. Jer silkinisiniń oshaǵy Dıýzdje qalasynda ornalasqan.

Merkez-Djedıdıe jáne Azmımıllı shaǵynaýdandarynda turatyn keıbir azamattar jer silkinisinen keıin úılerinen shyǵyp, túndi kóshede ótkizdi.

Qala turǵyndary jylyný úshin ot jaǵyp, halyqtyń amandyǵy úshin duǵa oqyǵan. Odan keıin 1999 jyly bolǵan jer silkinisin esterine aldy.

Aýdandy jedel járdem jáne Ulttyq medıtsınalyq qutqarý komandasynyń brıgadalary kúzetýde.

Jer silkinisiniń saldarynan 19 azamatqa medıtsınalyq kómek kórsetildi. 14 adam qatty shoshynǵan, 5 adam bolmashy jaraqattar aldy. Qurbandar men qırandylar týraly aqparat túspegen.

Avtory: Aqjigit Chýkýbaev