Túrkııada 42 qabatty záýlim ǵımarat órtenip jatyr, adamdar ómirine qaýip bar
ASTANA. 17 shilde. QazAqparat - Ystambuldyń ortalyǵy Fýlıa aýdanynda 42 qabatty Polat Tower ǵımaraty órtenip jatyr.
Onda «lıýks» sanatyndaǵy páterler men keńseler ornalasqan, dep habarlaıdy Ýtro. rý jergilikti BAQ-qa silteme jasap.
Qutqarýshylar turǵyndardyń basym bóligin qaýipsiz jerge kóshirgenimen ǵımarattyń ishinde áli de adamdar bar. Órt qushaǵyna oranǵan zeńgir úıdiń mańaıynda qozǵalysqa shekteý qoıyldy. Oqıǵa ornyna órt sóndirý kólikteri aǵylýda, tikushaqtar da iske qosylǵan.
Qaza tapqandar, sonymen qatar órttiń shyǵý sebebi týraly aqparat joq. Derekkózderdiń aıtýynsha, órt ǵımarattyń tómengi qabatynda ornalasqan bank fılıaldarynyń birinen shyǵyp, qysqa ýaqyt aralyǵynda joǵary qabattarǵa taraǵan.
