Túrkııada 4 magnıtýdaly jer silkinisi boldy

ASTANA. KAZINFORM — Túrkııada Tokat qalasynyń Sulýsaraı aýdanynda túngi saǵat 1:24-te magnıtýdasy 4 baldyq jer silkinisi boldy. Bul týraly Anadoly agenttigine habarlady.

Túrkııanyń Tótenshe jaǵdaılar jáne tabıǵı apattardyń zardaptaryn joıý basqarmasynyń (AFAD) saıtyndaǵy aqparatqa sáıkes, epıtsentri Sulýsaraı aýdanynda bolǵan 4 magnıtýdaly jer silkinisi tirkeldi.

Jer silkinisiniń oshaǵy 7,2 shaqyrym tereńdikte ornalasqan.

Eske sala keteıik, 10 tamyzda Túrkııanyń batysyndaǵy Balykesır provıntsııasynda 6,1 magnıtýdaly jer silkinisi boldy. Saldarynan qutqarýshylar qırandylar astynan bir adamdy alyp shyqty. Ókinishke qaraı qarııa qaza tapty. Taǵy shamamen 10 turǵyn úı qırady.

Sońǵy úsh kún ishinde Túrkııadaǵy seısmıkalyq belsendiligi joǵary Syndyrgy aımaǵynda 900-ge jýyq jer silkinisi tirkeldi. Balykesırdegi jer silkinisi Túrkııaǵa seısmıkalyq qaýip-qaterdi taǵy bir eske saldy. Al sarapshylar qalalardy nyǵaıtý boıynsha shuǵyl sharalar qabyldaýdy talap etip jatyr.