Túrkııada 4,7 magnıtýdasymen jer silkindi

ANKARA. ANADOLY - QazAqparat – Túrkııanyń Kahramanmarash provıntsııasynda qýaty 4,7 magnıtýdasymen jer silkinisi tirkeldi. Bul týraly Túrkııa úkimeti janyndaǵy Tótenshe jaǵdaılardyń aldyn alý jáne saldaryn joıý basqarmasynan (AFAD) málim etti, dep habarlaıdy QazAqparat Anadoly agenttigine silteme jasap.

Jerasty dúmpýi jergilikti ýaqytpen 09:47-de Geksýn aýdanynda tirkeldi. Zilzala oshaǵy 7 shaqyrym tereńdikte ornalasty.
Qaza tapqandar men qıraǵan ǵımarattar týraly aqparat túsken joq.
Eske salaıyq, 6 aqpanda Túrkııanyń Kahramanmarash provıntsııasynda qýaty 7 baldan asatyn eki jer silkinisi boldy. Terbelis eldiń 10 provıntsııasynda, sondaı-aq kórshiles memleketterde, sonyń ishinde Sırııada sezildi.
Mamandar aımaqta jerasty dúmpýleri áli de jarty jyl boıy jalǵasady degen boljam jasady. Túrkııada joıqyn zilzala bolatynyn boljaǵan Nıderland zertteýshisi Frank Hýgerbıts naýryz aıynyń basynda jańa apattar kútiletinin eskertti.
7 naýryzda Túrkııanyń Hataı, Kahramanmarash jáne Kaıserı provıntsııalarynda úsh jer silkinisi boldy.
Aqpan aıynda bolǵan tabıǵı apattan Túrkııaǵa kelgen shyǵyn 100 mlrd dollardan asýy yqtımal.
Túrik polıtsııasy qıraǵan ǵımarattar isi boıynsha kúdikti retinde 269 adamdy ustady.
Sońǵy resmı derekterge sáıkes, tabıǵı apat 48 myńǵa jýyq adamnyń ómirin qıdy.