Túrkııada 4,2 baldyq jer silkinisi boldy

KAHRAMANMARASh. QazAqparat – Kahramanmarash provıntsııasynyń Geksýn aýdanynda 10:05-te 4,2 baldyq jer silkinisi boldy, dep habarlaıdy QazAqparat «Anadoly» agenttigine silteme jasap.

Tabıǵat apattary jáne tótenshe jaǵdaılarmen kúres basqarmasynyń (AFAD) dereginshe, oshaǵy Kahramanmarash provıntsııasynyń Geksýn aýdanynda ornalasqan kúshi 4,2 baldyq jer silkinisi tirkeldi.

Zilzala 22,17 shaqyrym tereńde bolǵan.

Bıyl 6 aqpanda Túrkııanyń ońtústik-shyǵysynda magnıtýdasy 7 baldan asatyn eki zilzala (jepgilikti ýaqytpen 04:17-de 7,7 ball jáne 13:24-te 7,6 ball) bolǵanyn eske sala keteıik.

Joıqyn jer silkinisi saldarynan qaza tapqandar sany 50 myń adamnan asty. Zizala kórshiles elder – Sırııa, Lıvan, Soltústik Kıpr, grekııalyq Kıpr men Iranda sezildi.