Túrkııada 3 kúndik qaraly kún jarııalandy
ASTANA. QazAqparat - Túrkııa premer-mınıstri Ahmet Davýtoglý 86 adamnyń ómirin qıǵan Ankaradaǵy teraktiden soń elde úsh kúndik qaraly kún jarııalady, dep habarlaıdy TASS.
"Bul Túrkııaǵa, Túrkııanyń demokratııasyna jasalǵan shabýyl. Qaıǵyly oqıǵaǵa baılanysty úsh kúndik qaraly kún jarııalaımyz", - dedi ol el astanasynda ótken baspasóz máslıhatynda.
Eldiń densaýlyq saqtaý mınıstrliginiń sońǵy málimetteri boıynsha lańkestikten 86 adam qaza tapqan , 200-den astam adam jaralanǵan. Túrkııadaǵy terrorıstik toptardyń eshqaısysy terakt úshin jaýapkershilikti óz moınyna alǵan joq.
Eske salaıyq, búgin Ankarada «Eńbek. Beıbitshilik. Demokratııa» beıbit narazylyq sherýi kezinde 2 jarylys oryn alǵan bolatyn. Sherýge qatysýshylar túrik bıligi men kúrdter arasyndaǵy áskerı qaqtyǵystardy toqtatýdy suraǵan edi. QR SІM Túrkııanyń Ankara qalasynda oryn alǵan jarylystan qaza tapqandar arasynda qazaqstandyqtardyń bar-joǵyn anyqtaýda.
