Túrkııada 29 sáýir men 17 mamyr aralyǵynda tolyq lokdaýn engiziledi
Bul jaıynda dúısenbi kúni Túrkııa prezıdenti Rejep Taıyp Erdoǵan mınıstrler kabınetiniń otyrysynan keıin málimdedi. Jıynnyń translıatsııasy NTV telearnasynan kórsetildi.
«29 sáýir 19.00 bastap 17 mamyr tańǵy 05.00 deıin el aýmaǵynda tolyq lokdaýn kúshine enedi. Búkil keńseler, jumys oryndary (Іshki ister mınıstrligi tarapynan kelisilgen mekemelerden basqasy) túgel jabylady. Qalaaralyq tasymal tek arnaıy ruqsatpen ǵana júzege asyrylady. Qoǵamdyq kólik tek 50 paıyz tolǵanda ǵana júredi» dedi Rejep Taıyp Erdoǵan.
Qazaqstanda koronavırýstyń taralýyna qarsy vedomstvoaralyq komıssııanyń málimetine sensek, 16 sáýir kúni Túrkııada koronavırýs juqtyrǵandar sanynyń kúndelikti ósimi pandemııa bastalǵannan bergi maksımýmdy kórsetken - 63 082 jaǵdaı.
21 sáýir kúngi ólim-jitim sanynda da táýliktik joǵary kórsetkish tirkeldi - bir kúnde 362 naýqas qaıtys bolǵan.
