Túrkııada 29 mamyrdan bastap meshitter ashylady

ANKARA. QazAqparat – Túrkııada 23-26 mamyr aralyǵynda kommendanttyq saǵat engiziledi, dep habarlaıdy QazAqparat Anadoly agenttigine sliteme jasap.

Túrkııa prezıdenti Rejep Taıyp Erdoǵan eldiń koronavırýspen qoldan kelgenshe kúresip jatqanyn jetkizdi. Onyń aıtýynsha, el bıligi 5,5 mln astam az qamtylǵan halyqqa qarjylaı kómek kórsetken.

Túrik kóshbasshysy azamattarǵa áleýmettik araqashyqtyqty saqtaý qajettigin eske saldy. Áıtpese aýrý qaıta órshıdi, ol jaǵdaıda shekteý sharalaryn qaıtadan qatańdatýǵa týra keledi.

Onyń sózinshe, bılik koronavırýstyń taralýyna qarsy komendanttyq saǵat engizýdi jalǵastyra beredi. Mundaı shara 23-26 mamyr aralyǵynda búkil el aýmaǵynda taǵy engiziledi. Odan bólek, epıdemııaǵa baılanysty 15 provıntsııada kirip-shyǵýǵa qoıylǵan shekteý taǵy 15 kúnge uzartylady.

«29 mamyrdan bastap meshitterdiń jumysy birtindep qalpyna kele bastaıdy. Covid-19 – búkilálemdik qater. Problema jahandyq deńgeıde sheshilgende ǵana bul qaterden qutylamyz», - dep atap ótti Erdoǵan.

Onyń aıtýynsha, Túrkııa pandemııanyń aıaqtalýyn kútemin dep shekarasyn tolyq jaýyp, kúndelikti tirshilikti toqtatyp qoıyp, jyldar boıy otyra almaıdy.