Túrkııada 28 mln jyl buryn tirshilik etken múıiztumsyqtyń súıekteri tabyldy

ASTANA. Anadoly-QazAqparat - Túrik paleontologtary eldiń Chanqyry provıntsııasynda úlken múıiztumsyqtyń súıekterin tapty, dep habarlaıdy QazAqparat Anadoly agenttigine silteme jasap.

Tasqa aınalǵan janýardyń jasy 28 mln jyl dep esepteldi.

Túrkııanyń paıdaly qazbalardy zertteý jáne barlaý ınstıtýty janyndaǵy shehıd Djýma Dag atyndaǵy Tabıǵı tarıh murajaıy Qyzylyrmak aýdanyndaǵy Kemally kentiniń mańynda qazba jumystaryn 2015 jyldan bastap júrgizip keledi.

Paleontologtar osy aımaqty zertteýge 2014 jyly kiristi. Sol jyly jergilikti turǵyn Chorým provıntsııasynyń Sýngýrlý aýdanynan súıek synyqtaryn taýyp alǵan bolatyn.

Qazirgi ýaqytta qazba jumystary Kemally kentiniń mańynda júrip jatyr.

Shehıd Djýma Dag atyndaǵy Tabıǵı tarıh murajaıynyń omyrtqalylar paleontologııasy tobynyń basshysy, geologııa ınjeneri Neshe Oıal bıylǵy qazba kezinde súıek synyqtary túrinde jańa olja tabylǵanyn aıtty.

Onyń aıtýynsha, aımaqtan shamamen 28 mln jyl buryn tirshilik etken alyp múıiztumsyq súıekteri tabylǵan.

«El aýmaǵynan tabylǵan jer betindegi eń iri sútqorekti janýar retinde belgili alyp múıiztumsyq súıekteri bul janýardyń kóshi-qon joldary men taralý aımaqtaryn anyqtaý turǵysynda óte mańyzdy» deıdi geolog.

Oıal alyp múıiztumsyq súıekteri buǵan deıin negizinen Mońǵolııa, Qytaı, Úndi sýbkontınentinde jáne Ortalyq Azııadan tabylǵanyna nazar aýdardy.