Túrkııada 27 mıllıonnan astam adam koronavırýsqa qarsy vaktsına aldy

ANKARA. ANADOLY - QazAqparat – Túrkııada 27 mıllıonnan astam adam vaktsınalandy, olardyń 12 mıllıony vaktsınanyń ekinshi dozasyn aldy. Sondaı-aq, elde túrik vaktsınasyn óndirý boıynsha jumystar jalǵasýda. Bul týraly Túrkııa prezıdenti Rejep Taııp Erdoǵan Densaýlyq saqtaý boıynsha jahandyq sammıt qatysýshylaryna joldaǵan beıneúndeýinde málim etti, dep habarlaıdy QazAqparat Anadoly agenttigine silteme jasap.

«Biz múmkindiginshe ózimizde bar vaktsınalardy basqa eldermen bólisýge tyrystyq. Túrik vaktsınasy daıyn bola salysymen biz ony óz azamattarymyzǵa ǵana emes, búkil adamzatqa usynamyz», - dedi Túrkııa prezıdenti.

Erdoǵan DDSU-ǵa múshe el sol uıym maquldaǵan vaktsınany qabyldamaıtyn jaǵdaıdyń eshqandaı túsindirmesi joq dep málimdedi.

«Úlken jıyrmalyq» (G20) elderi arasynda densaýlyq saqtaý salasyndaǵy ozyq jetistiktermen almasý boıynsha derekter bazasyn qurý aldaǵy daǵdarystarǵa qarsy sharalar qabyldaýdy jeńildetedi», - dedi ol.

Erdoǵannyń aıtýynsha, gıgıena men densaýlyqty qorǵaýdyń barlyq qajetti erejelerin saqtaý arqyly halyqaralyq týrızm men saıahatty qalpyna keltirý kerek.