Túrkııada 1999 jylǵy jer silkinisi qurbandaryn eske aldy

QOJAELІ. Anadoly-QazAqparat - Túrkııada 1999 jylǵy 17 tamyzda bolǵan alapat zilzala qurbandaryn eske aldy, dep habarlaıdy «QazAqparat» HAA Anadoly agenttigine silteme jasap.

Eske alý sharalary ıAlova, Qojaeli, Sakarıa provıntsııalarynda ótti.

Qojaeliniń Geldjýk aýdanynda túngi 03:02-de bir mınýttyq únsizdik ornady. Kavakly aýdanynda zilzala qurbandaryna ornatylǵan eskertkishke gúl shoqtary qoıyldy.

Osydan jıyrma jyl buryn, 1999 jyldyń 17 tamyzyna qaraǵan túnde jergilikti ýaqyt boıynsha saǵat 03:02-de Mármár teńiziniń jaǵalaýynda 7,7 baldyq qýatty jer silkinisi boldy.

Zilzala Izmıt qalasyn jermen-jeksen etti, Ystanbul jaryqsyz qaldy, al jergilikti munaı óńdeý zaýyty otqa orandy.

Apat saldarynan 10 myńnan astam adam qaza tapty, 25 myń adam zardap shegip, 600 myńdaı adam baspanasynan aıyryldy.