Túrkııada 18 jastaǵy Qazaqstan azamaty qaza tapty
ASTANA. KAZINFORM — Antalıadaǵy qonaqúılerdiń birinde anımator bolyp jumys istegen qyz 15 maýsym kúni jol apaty saldarynan qaıtys bolǵan. Bul jóninde Syrtqy ister mınıstrligi málimdedi.
— Qazaqstan Respýblıkasynyń Antalıadaǵy Bas konsýldyǵy qujattardy daıyndaý, túrik organdarymen birlesip qyzdyń denesin elge qaıtarýdy uıymdastyrý tárizdi barlyq qajetti konsýldyq-quqyqtyq kómekti kórsetti, — delingen Syrtqy ister mınıstrliginiń habarlamasynda.
Marqumnyń denesi Qazaqstanǵa 17 maýsymda jetkizilgen. Repatrıatsııa jumys berýshiniń jáne seriktes uıymdardyń qarjylaı qoldaýymen uıymdastyryldy.
— Bul másele Bas konsýldyqtyń baqylaýynda. QR dıplomattary bul másele boıynsha quzyretti organdarmen ózara is-qımyldy jalǵastyryp jatyr, — delingen SІM habarlamasynda.
Aıta keteıik, buǵan deıin Túrkııada týrıstik avtobýs apatqa ushyrap, segiz adam qaza tapqanyn jazǵanbyz.
