Túrkııada 16 adam mingen kater órtke orandy

ASTANA. KAZINFORM — Mramor teńizindegi Kynalyada araly mańynda ishinde 16 adamy bar kater órtenip ketti, dep habarlaıdy Kazinform tilshisi Haber Global saıtyna silteme jasap.

Jalyn tez taralyp, bortta bolǵan adamdardy teńizge sekirýge májbúr etti. Olardy jaǵalaý kúzeti basqarmasynyń bólimsheleri qutqaryp úlgerdi.

Oqıǵadan zardap shekkender joq.

Qutqarýshylar órtti sóndirý jumystaryn jalǵastyryp jatyr. Órttiń sebebi ázirge belgisiz.

Buǵan deıin Indonezııanyń Soltústik Sýlavesı provıntsııasynda ishinde shamamen 280 jolaýshysy bar jolaýshylar paromy órtengeni habarlanǵan bolatyn.

Atalmysh oqıǵa kezinde 3 adam qaza taýyp, 150-ge jýyq adam qutqarylǵan bolatyn. Jolaýshylardyń tolyq tizimi áli jarııalanǵan joq.