Túrkııada 155 saǵat úıindi astynda jatqan bala qutqaryldy

GAZIANTEP. Anadoly –QazAqparat – Gazıanteptegi Nýrdaǵy aýdanynda jer silkinisi bolǵan soń 155 saǵat ótkennen keıin 8 jasar bala úıindi astynan aman qutqaryldy, dep habarlaıdy QazAqparat Anadolyǵa silteme jasap.

8 jasar ul turǵyn úı úıindisi astynan shyǵarylǵan.

Zardap shekken bala aýrýhanaǵa jatqyzyldy.

Eske salsaq, 6 aqpanda Túrkııada jeti baldan asatyn eki jer silkinisi boldy. Júzdegen aftershokpen jalǵasqan jerasty dúmpýi eldiń 10 provıntsııasynda, sondaı-aq kórshiles memleketterde de sezildi. Sonyń biri – Sırııa, ondaǵy qurbandar sany 3 574-ke jetti.

Aıta ketsek, Qazaqstan Tótenshe jaǵdaılar mınıstrliginiń qutqarýshylary da Túrkııada izdestirý-qutqarý jumystaryn júrgizip jatyr. Olar 7 adamdy qutqaryp, medıtsına qyzmetkerlerine tapsyrdy. Qaıtys bolǵan 19 adamnyń, onyń ishinde bir balanyń denesi úıindi astynan shyǵaryldy.

Sońǵy málimet boıynsha Túrkııada zilzaladan kóz jumǵan sany 30 myńǵa jýyqtady.