Túrkııada 10 jastaǵy qazaqstandyq jalǵyz qaldy: Air Astana jaǵdaıdy túsindirdi
ALMATY. KAZINFORM — 10 jastaǵy qazaqstandyq bala eki táýlik Túrkııa áýejaıynda jalǵyz qalǵan.
2024 jyldyń 21 jeltoqsanynda 10 jastaǵy bala fýtbolshylar tobynyń quramynda Almaty-Antalııa ushaǵymen KS 915 reısimen fýtbol lagerine ketken. Túrkııaǵa kelgennen keıin bala tólqujatynyń joq ekenin baıqaǵan. Bul týraly zańger Danılhan Shaǵataev málimdedi.
- Tirkeýden ótý, qol-júkterin tekserý jáne ushaqqa otyrǵyzý kezinde balanyń moınyna arnaıy sómkege salynǵan barlyq qajetti qujattary bolǵan. Túrkııaǵa jetken kezde bala óziniń halyqaralyq tólqujatynyń joǵalyp ketkenin bilip, bul týraly Air Astana qyzmetkerine habarlaǵan, biraq tólqujat tabylmaǵan,- dep jazdy ol.
Nátıjesinde tólqujaty joq bala Túrkııada pasporttyq shekaralyq baqylaýdan óte almaı, bala eki kún boıy, ıaǵnı 21 jeltoqsanynan 23 jeltoqsanyna deıin áýe kompanııasynyń ókilderinsiz deportatsııa bólmesinde jalǵyz bolǵany da aıtylady.
Al, Air Astana áýekompanııasy jolaýshylardy tasymaldaýdyń halyqaralyq normalaryn qatań saqtaıtynyn jetkizdi. Balalardy alyp júrý qyzmeti zańdy ókilden balany qabyldaýdy, ushý kezinde onyń qaýipsizdigin qamtamasyz etýdi jáne ushyp kelgen kezde zańdy ókilge berýdi qamtıdy. Bul rette qujattar men jeke zattar úshin jolaýshynyń ózi jaýapty.
- BAQ-ta jarııalanǵan oqıǵaǵa baılanysty áýekompanııa Antalııa áýejaıyndaǵy tólqujat baqylaýynda bir top balalarmen júrgen balanyń tólqujatynyń joq bolǵany anyqtalǵan. Reıske resimdeý kezinde qujat jolaýshyda boldy, bul beınejazbamen rastalady. Áýekompanııa qyzmetkerleri tólqujatty óz betimen izdedi, biraq, ókinishke oraı, qujat tabylmady. Áýekompanııa QR konsýldyǵyn bolǵan oqıǵa týraly jedel habardar etti, - dep atap ótti áýe kompanııadan.
Sondaı-aq Air Astana áýekompanııasy deportatsııalaý týraly sheshimdi sol eldiń kóshi-qon qyzmeti qabyldaıtynyn málimdedi.
- Sondaı-aq, balany ustaý sharttaryn Túrkııanyń kóshi-qon qyzmeti belgileıdi. Óz tarapynan áýekompanııa balany úsh rettik tamaqpen jáne psıhologııalyq qoldaýmen qamtamasyz etti jáne jaǵdaıdy tez arada sheshý úshin QR konsýldyǵymen jáne Túrkııanyń kóshi-qon qyzmetimen turaqty baılanysta boldy. Bul jaǵdaıda áýekompanııa kóshi-qon qyzmetiniń uıǵarymyn oryndaýǵa mindetti jáne ol oryndaldy: bala Qazaqstanǵa tikeleı reıspen qaıtaryldy. Bul úshin erejege sáıkes onyń keri bıleti paıdalanyldy, - dep túsindirdi Air Astana áýekompanııasynyń baspasóz qyzmeti.
Eske sala keteıik, buǵan deıin Oral qalasynyń qos turǵyny, egizder – Záýre men Zere Amerıkadaǵy til mektebinen Astana arqyly keri ushyp shyqqanyn, elordaǵa aman jetken qos jasóspirimniń biri Astana - Oral baǵytynda ushqan «FlyArystan» áýekompanııasynyń ushaǵynan qalyp qoıǵanyn jazǵan bolatynbyz.