Túrkııada 10 myń memlekettik qyzmetker jumysynan bosatyldy
ASTANA. QazAqparat - Túrkııada Fethýllah Gúlenmen baılanysy bar degen aıyppen 10 myń memlekettik qyzmetker jumystan shyǵaryldy. Bul týraly Anadolu-ǵa siltememen «Habar 24» habarlaıdy.
Resmi Gazete-niń resmı derekteri boıynsha 10 myń 131 jumysshy jumystan bosatylǵan. Onyń ishinde 32-si parlament sheneýnigi, 183 adam kassatsııalyq sottan, 2534 adam eldiń ádilet mınıstrliginen, 102-si syrtqy ister mınıstrliginen, sondaı-aq 101 adam Túrkııanyń Qarýly kúshterinen, dep jazdy gazeta.ru.
Sonymen qatar taǵy 15 BAQ, onyń ishinde Dicle jańalyqtar agenttigi men kóptegen gazet-jýrnaldar jabyldy. Olar Kúrdistan jumysshylar partııasynyń ıdeıalaryn nasıhattaǵany úshin aıyptaldy.
