Túrkııa jýrnalısterdi qýdalaý boıynsha álemdik lıder tanyldy
ASTANA. 23 qazan. QazAqparat - Jýrnalısterdi qorǵaý halyqaralyq komıteti Túrkııany BAQ qyzmetkerlerin qylmystyq qýdalaý boıynsha álemdik lıder dep atady.
Aǵymdaǵy jylǵy tamyz aıynyń basyndaǵy jaǵdaı boıynsha, túrik túrmelerinde jazalaryn 76 tilshi ótep jatty. Olardyń jartysynan kóbi temir tordyń ar jaǵyna kásibı qyzmeti úshin tústi. Sottalǵan reporterlardyń 70 paıyzy - kúrdter.
Mundaı málimetterdi quqyq qorǵaýshylar keltirdi. Olardyń sózine qaraǵanda, ótken jyldyń sońynda jergilikti quqyq qorǵaý organdary jýrnalısterge qarsy bes myńǵa jýyq qylmystyq isti tergeý ústinde boldy.
