Túrkııa joldarynda qaýip joǵary: demalys kúnderi 19 adam qaza tapty
ASTANA. KAZINFORM — Túrkııa joldaryndaǵy joǵary ólim-jitimge baılanysty Іshki ister mınıstri júrgizýshilerdi jol qozǵalysy erejelerin saqtaýǵa shaqyrdy, dep habarlaıdy Kazinform agenttiginiń menshikti tilshisi.
Ejelden beri Túrkııada birneshe din toleranttylyqpen qatar ómir súrip keledi, alaıda munda ıslamnyń mańyzdylyǵy erekshe saqtalǵan. Sondyqtan qasıetti Ramazan aıy bul elde aıryqsha atap ótiledi.
Ramazan aıynyń aıaqtalýy Aıt meıramymen jalǵasy, al Túrkııada ony «Sheker Baıramy» (Qant meıramy) dep ataıdy. Bul merekede táttiler men túrli taǵamdar oraza kezinde joǵalǵan kalorııany tolyqtyrýǵa arnalǵan. Resmı túrde úsh kún demalys jarııalanyp, osy ýaqyt ishinde adamdar bir-birine táttiler syılaıdy.
Túrkııada Ramazan aıynyń sońyna oraı merekelik demalys bastaldy. Qasıetti aıdyń aıaqtalýyna jaqyn elde resmı demalys jarııalanady. Bıyl bul mereke 30 naýryz ben 1 sáýir aralyǵynda ótedi. Osy kúnderi jergilikti turǵyndar iri qalalardan ketip, ata-ájelerin, ata-analaryn, týǵan-týystaryn kórýge, týǵan jerlerine oralýǵa tyrysady. Bul dástúr túrik tilinde «memleket» dep atalady. Osyǵan baılanysty megapolısterde qoǵamdyq ómir ýaqytsha báseńdeıdi.
Alaıda, týǵan-týystarǵa barýǵa jáne tabıǵat aıasynda demalýǵa tamasha múmkindik bolǵanymen, eldegi jol-kólik oqıǵalarynyń qaıǵyly statıstıkasy artyp keledi.
Túrkııanyń ishki ister mınıstri Álı Ierlıkaıanyń málimdeýinshe, Ramazan aıttyń alǵashqy eki kúninde jol-kólik apattarynan 19 adam qaza taýyp, 2 499 adam túrli dárejedegi jaraqat alǵan.
— Barlyǵy 709 jol apaty tirkeldi. Árbir qaza – jaqyndary men týystary úshin orny tolmas qaıǵy. Ótinemin, mereke qýanyshyn qaıǵyǵa aınaldyrmas úshin jol qozǵalysy erejelerin saqtańyzdar, — dedi mınıstr.
Ramazan Bayramı tatilinin 2. günü (Pazar) 709 trafik kazası meydana geldi. Maalesef
— Ali Yerlikaya (@AliYerlikaya) March 31, 2025
📍14 vatandaşımız hayatını kaybetti,
📍1.280 vatandaşımız ise yaralandı.
14 can geride gözü yaşlı anne, baba, evlat, kardeş, akraba bıraktı. Lütfen, trafik kurallarına uyalım. Bayram… pic.twitter.com/FpeCUHXL7S
Sonymen qatar, Ierlıkaıa jol polıtsııasy men jandarmerııasynyń jumysyn mańyzdy dep atap ótti, olar joldarda tekserister júrgizýdi jalǵastyryp jatyr. Máselen, ótken jeksenbide 420 737 kólik tekserilip, olardyń 22 310-y jyldamdyqty baqylaý boıynsha, al 18 049-y basqa erejelerdiń buzylýy boıynsha tekserildi. Mınıstr bul sharalardyń jazalaý maqsatynda emes, jol apattarynyń aldyn alý jáne joldardaǵy ólim-jitimdi azaıtý úshin qabyldanǵanyn aıtty.
Buǵan deıin biz Túrkııada joldardaǵy joǵary ólim-jitimdi tómendetý úshin jazany qatańdatý, qaýipsizdik standarttaryn arttyrý jáne bilim berý baǵdarlamalaryn damytý usynylǵanyn jazǵan edik.
Sonymen qatar Túrkııada oraza aıttyń birinshi kúni 800-ge jýyq jol apaty bolǵan edi.