Túrkııa JI kómegimen jasalǵan alǵashqy mýltserıaldy tanystyrdy

ASTANA. KAZINFORM – Túrkııada tolyǵymen jasandy ıntellekt (JI) kómegimen jasalǵan alǵashqy «Ańshylar» anımatsııalyq serıalynyń tusaýkeseri ótti, dep habarlaıdy Kazinform. 

Premera TRT Avaz arnasynan kórsetildi. 

Habererk-tiń habarlaýynsha, 13 serııadan turatyn joba úshin adam basqaratyn málimetterdi óńdeý jáne jobalaý kólemdi protsesi júrgizildi. Keıingi nusqada qoldanylǵan 2 400-ge jýyq kompozıtsııa, sonyń ishinde balama nusqalar men túzetýler úshin shamamen 18 myń vızýaldy element jasaldy. Ekranda paıda bolǵan 3 900 sekýndtyq  kontentti shyǵarý úshin JI kómegimen óńdelgen 60 myń sekýndtyq beıne jasaldy. Óndiris protsesinde biryńǵaı júıe retinde jumys isteý úshin JI-diń 10-nan astam túrli ınfraqurylymy biriktirildi. 

Sıýjette izgilik jolyndaǵy 5 balaǵa dana tálimgeri Berıý baǵyt beredi. 

Oqıǵalar Gebeklı-Tepe men Orhon eskertkishterinen bastap Ystyqkól men Túrkistanǵa deıingi keń aýmaqta órbıdi. 

Buǵan deıin «Oskardy» endi JI kómegimen túsirilgen fılmder alýy múmkin ekenin jazdyq.