Túrkııa jáne Ázerbaıjan vıtse-spıkerleri Qazaqstannyń jetistikterge jetýindegi Elbasynyń rólin atap ótti

NUR-SULTAN. QazAqparat - Túrkııa Uly Ulttyq Jınalysy Tóraǵasynyń orynbasary Sıýreııa Bılgıch jáne Ázerbaıjan Respýblıkasy Mıllı Medjlısiniń Vıtse-spıkeri Adıl Álıev barsha Qazaqstan halqyn alda kele jatqan 1 jeltoqsan Tuńǵysh Prezıdent kúnimen jáne Qazaqstan Táýelsizdiginiń 30 jyldyǵymen quttyqtap, Qazaqstan egemendigin alǵan osy 30 jyl ýaqyt ishinde úlken jetistikterge jetkenin aıtty. Bul týraly QazAqparat tómengi palatanyń baspasóz qyzmetine silteme jasap habarlaıdy.

S. Bılgıch atap ótkendeı, Qazaqstan qazir saıası turaqtylyqqa qol jetkizdi. Ekonomıkasy qarqyndy damýda. Qazaqstannyń aýqymdy tabystarynda Tuńǵysh Prezıdenttiń róli erekshe. Osynyń barlyǵy Elbasynyń kóregen saıasatynyń arqasynda júzege asyp otyr.

Túrkııa vıtse spıkeri eki eldiń Parlament ókilderi retinde memleketter arasyndaǵy yntymaqtastyqty odan ári belsendi damytýǵa yntaly ekenin jetkizdi.

Ázerbaıjan Respýblıkasy Mıllı Medjlısiniń Vıtse-spıkeri Adıl Álıevtyń aıtýynsha, Qazaqstannyń Tuńǵysh Prezıdenti Nursultan Nazarbaev bılik etken jyldary aýqymdy ekonomıkalyq, saıası jáne áleýmettik reformalar júzege asyrylyp, strategııalyq paıymdar, dana ári sarabdal saıasat Qazaqstan ekonomıkasyn nyǵaıtýǵa jáne halyqtyń turmys deńgeıin arttyrýǵa septigin tıgizdi.

Elderimiz arasyndaǵy tatý kórshilikti, ózara senim men strategııalyq áriptestikti damytýdyń uzaq merzimdi strategııasyn Qazaqstannyń Tuńǵysh Prezıdenti – Elbasy Nursultan Nazarbaev pen Ázerbaıjan halqynyń jalpyulttyq kóshbasshysy Geıdar Álıev jáne qazirde Ázerbaıjan Prezıdenti Ilham Álıev elder arasyndaǵy strategııalyq áriptestiktiń negizin qalady.

Bizdiń qarym-qatynastarymyz jyl saıyn sapaly jańa deńgeıge kóterilip, resmı saparlar, memleket basshylary deńgeıindegi kezdesýler men parlamentaralyq qatynastar muny taǵy da rastap otyr.

A. Álıevtiń pikirinshe, Ázerbaıjan men Qazaqstan TMD sheńberindegi qarym-qatynastardy belsendi túrde damytyp keledi. Onyń ishinde, Nursultan Nazarbaevtyń bastamasymen qurylǵan TúrkPA erekshe ról atqarýda.

- Nursultan Nazarbaev ekijaqty qarym-qatynastardy damytý men nyǵaıtýǵa zor úles qosqan tulǵa retinde tarıhta qalady, - dedi Ázerbaıjan Parlamentiniń Vıtse-spıkeri.