Túrkııa jańartylatyn energııaǵa ınvestıtsııa salýdy kúsheıtpek
ASTANA. KAZINFORM – Túrkııa jańartylatyn energııa kózderine ınvestıtsııa salýdy kúsheıtý úshin «sýper ruqsat etý» mehanızmin engizýdi kózdep otyr.
Túrkııada elektr energııasyn qaıta óndirýdegi jańa qadam jańartylatyn energııa obektilerin, sonyń ishinde kún jáne jel elektr stantsııalaryn salýǵa qajetti ruqsattardy bekitý jáne berý protsesin jedeldetýge múmkindik bermek.
«Sýper ruqsat berý» júıesi eldiń energetıkalyq táýelsizdikke qol jetkizýi jolyndaǵy strategııanyń bir bóligi. Bıýrokratııalyq protsedýralardy azaıtý túrik úkimetiniń turaqty energııa kózderine kóshý qarqynyn jedeldete otyryp, jańa ınvestıtsııa tartý múmkindigin arttyrady.
Túrkııanyń Energetıka jáne tabıǵı resýrstar mınıstri Alparslan Baıraktardyń aıtýynsha, «Sýper ruqsat berý» júıesin qurý eldiń Parıj kelisimi boıynsha mindettemelerin oryndaýǵa jáne parnıktik gazdar shyǵaryndylaryn azaıtýǵa jol ashady.
Kún jáne jel energııasyn paıdalaný úshin ınfraqurylymdy belsendi túrde damytyp jatqan Túrkııa aldaǵy jyldary ulttyq energııa júıesindegi jańartylatyn energııa kózderiniń úlesin aıtarlyqtaı arttyrýdy josparlap otyr.
Osyǵan deıin Túrkııa Afrıkadan munaı men gaz izdeıtinin jazǵan edik.
