Túrkııa jaǵalaýynda mıgranttarmen eki keme sýǵa batyp ketti
BRıÝSSELЬ. QazAqparat - Túriktiń Bodrým qalasy jaǵyndaǵy Egeı teńizinde eki keme apaty saldarynan Sırııadan qashqan 12 mıgrant qaza tapty.
Bosqyndar grekııalyq Kos aralyna zańsyz jetpekshi bolǵan. 12 mıgranttyń múrdesi (onyń ishinde bes bala men bir áıel bar) sársenbide túriktiń jaǵalaý kúzetinen tabyldy. 15 adam qutqaryldy.
Jyl saıyn Grekııaǵa Taıaý Shyǵys pen Afrıka elderinen eki myńǵa jýyq zańsyz mıgrant keledi. Olardyń ishinde kóbine lańkester EO-nyń kúlli aýmaǵy boıynsha saıahattaýǵa múmkindik beretin teń resmı bosqyn kýáligin alyp, EO aýmaǵyna ótip ketýge tyrysady.
Kóshi-qon daǵdarysynyń ýshyǵýyna baılanysty Eýroodaqqa tóraǵalyq etýshi Lıýksembýrg 14 qyrkúıekte Eýroodaq elderi ishki ister jáne ádilet mınıstrleriniń kezekten tys otyrysyn shaqyrtatynyn jarııalady.
Eske salsaq, EO-da Ekinshi dúnejúzilik soǵys ýaqytynan da iri kóshi-qon daǵdarysy oryn alýda. Osy jylǵy segiz aıda EO memleketine Jerorta teńizi arqyly zańsyz 400-ge jýyq adam ótip ketýge tyrysqan, olardyń 2,5 myńnan astamy qaza tapty.
