Túrkııa jaǵalaýynda mıgranttar mingen qaıyq batyp ketti: 11 adam qaza tapty
IZMIR. ANADOLY - QazAqparat – Túrkııanyń batysynda qaıyq sýǵa batyp, 11 zańsyz mıgrant, sonyń ishinde segiz bala qaza tapty.
Bul týraly Túrkııa jaǵalaý kúzetiniń ókili jarııalady, dep habarlaıdy QazAqparat Anadoly agenttigine silteme jasap.
Izmır provıntsııasynda Cheshme jaǵalaýynda 19 zańsyz mıgrant mingen qaıyq aýdarylyp ketti. Túrkııanyń jaǵalaý kúzeti segiz mıgrantty qutqaryp qaldy.
Atalyp ótilgendeı, Túrkııa jańa ómir bastaǵysy keletin zańsyz mıgranttardyń Eýropaǵa ótýine jol ashatyn negizgi tranzıt beketi. Mıgranttar otanyndaǵy soǵys qımyldary men qýdalaýlardan qashyp kelýde. Túrkııa ishki ister mınıstrliginiń málimetinshe, 2018 jyly elde 268000 zańsyz mıgrant ustalǵan.
