Túrkııa jaǵalaýynda Ázerbaıjan, Ýkraına azamattary mingen keme sýǵa ketti
ANKARA. QazAqparat - Túrkııada, Qara teńiz jaǵalaýynda, Samsýn qalasynyń mańynda Panama memleketiniń týymen ketip bara jatqan kómir tasymaldaýshy keme sýǵa batyp ketti, dep habarlaıdy Anadolý agenttigi.
Kemede 13 adam bolǵan. Olardyń 9-y Ýkrına, ekeýi Ázerbaıjan, taǵy ekeýi Reseı azamattary. 6 adam qaıtys bolyp, 7 adam qutqarylyp jergilikti aýrýhanaǵa jetkizildi.
Alaıda Reseıdiń Túrkııadaǵy elshiligi kemede ol eldiń azamattary bolmaǵandyǵyn jarııa etti. TASS agentiginiń jazýynsha, kemede 11 Ýkraına jáne 2 Ázerbaıjan azamaty ǵana bolǵan.
Qutqarý jumystaryna qaıyq pen tikushaq jumyldyryldy.
