Túrkııa jaǵalaýynda 4,5 balldyq jer silkinisi boldy

HATAI. Anadoly-QazAqparat – Túrkııanyń ońtústik-shyǵys jaǵalaýynda, Jerorta teńizinde Iskenderýn shyǵanaǵynda magnıtýdasy 4,5 balldyq jer silkinisi boldy. Bul týraly TJ saldaryn joıý basqarmasynan (AFAD) málim etti, dep habarlaıdy QazAqparat Anadolyǵa silteme jasap.

Jerasty tolqýy Túrkııanyń Hataı provıntsııasynda sezilgen.

Zilzala jergilikti ýaqytpen 23:49-da tirkeldi. Oshaǵy 5,39 km tereńdikte. Epıtsentri Jerorta teńiziniń Iskenderýn shyǵanaǵynda ornalasqan.

Jergilikti bıliktiń málimetinshe, zardap shekkender men qıraý týraly aqparat túspegen.

Eske sala ketsek, 6 aqpanda Túrkııada 7,7 magnıtýdasymen joıqyn jer silkinisi boldy.

Zilzala oshaǵy Kahramanmarash provıntsııasyndaǵy Pazardjık aýdanynda ornalasqan, tereńdigi - 7 shaqyrym.

Saldarynan Hataı, Gazıantep, Kılıs, Osmanıe, Malatıa, Adyıaman, Shanlyýrfa, Dııarbakyr, Adana jáne Kahramanmarash provıntsııalarynda kóptegen ǵımarat qırady.

Qazirgi ýaqytta zilzaladan 45 968 adam qaza tapqany belgili boldy, onyń 4 267-i - Sırııa azamaty.