Túrkııa jaǵalaýynda tanker órtendi: bortta jarylys pen órt dabyly qaǵyldy

ASTANA. KAZINFORM — Túrik qutqarýshylary Qara teńizde Túrkııa jaǵalaýynan 28 mıl qashyqtyqta órtengen Kairos tankeriniń 25 ekıpaj múshesin evakýatsııalady, dep habarlaıdy TASS.

Bul týraly eldiń Kólik jáne ınfraqurylym mınıstrligi málimdedi. Vedomstvonyń dereginshe, Gambııanyń týymen júzip júrgen, uzyndyǵy 274 metr bolatyn tanker Mysyrdan Reseıge baǵyt alyp bara jatqan kezde bortta jarylys pen órt bolǵany jóninde dabyl qosylǵan.

Oqıǵa ornyna qutqarýshy katerler, súıreýshi jáne apattyq-qutqarý kemeleri jóneltildi. Ekıpajdyń barlyq múshesi qaýipsiz jerge sátti kóshirildi.

AHaber telearnasynyń habarlaýynsha, keme sýǵa batyp ketýi múmkin, alaıda bul aqparat resmı túrde rastalǵan joq.

Túrik bıligi Qara teńizde bolǵan ekinshi oqıǵa týraly da habarlady: VIRAT tankeri Túrkııa jaǵalaýynan 35 mıl qashyqtyqta júrgen kezde soqqyǵa ushyraǵan. Oqıǵa ornyna qutqarý toptary jiberildi, jaǵdaıdyń mán-jaıy men zaqymdaný sıpaty anyqtalyp jatyr.

Eske sala keteıik, buǵan deıin Indonezııada munaı tankerinde bolǵan órtten 10 adam qaza tapqanyn jazdyq.