Túrkııa úshinshi Iran zymyranyn atyp túsirgenin málimdedi
ASTANA. KAZINFORM - Iran aýmaǵynan ushyrylyp, Túrkııanyń áýe keńistigine kirgen ballıstıkalyq zymyran Shyǵys Jerorta teńizinde ornalasqan NATO-nyń áýe jáne zymyranǵa qarsy qorǵanys júıelerini kúshimen joıyldy.
Bul týraly Túrkııa Qorǵanys mınıstrliginiń málimdemesine silteme jasap AFP agenttigi habarlady, dep jazady BBC.
Buǵan deıin Túrkııanyń ońtústigindegi Adana qalasyna jaqyn ornalasqan, óńirdegi NATO-nyń mańyzdy nysandarynyń biri sanalatyn «Injırlık» áskerı áýe bazasynda áýe dabyly qosylǵany týraly Anadolu agenttigi jazǵan bolatyn. Atalǵan bazada amerıkalyq áskerı kúshter ornalasqan.
NATO-nyń áýe qorǵanys júıeleri 4 naýryz kúni Irannan ushyrylǵan dep boljanǵan alǵashqy ballıstıkalyq zymyrandy atyp túsirgen. Al ekinshi zymyran dúısenbi kúni zalalsyzdandyrylǵan.
Tegeran bul oqıǵalarǵa qatysy baryn joqqa shyǵarǵan edi. Juma kúni Irannyń Ankaradaǵy elshiligi de málimdeme jasap, Túrkııa baǵytyna «birde-bir zymyran ushyrylǵan joq» dep málimdedi.
Osyǵan deıin Túrkııada Irannan ushyrylǵan ballıstıkalyq oq-dári joıylǵany týraly jazdyq.
Al Iran Túrkııaǵa «zymyran shabýyldaryn» tekserý úshin birlesken top qurýdy usyndy.