Túrkııa úshinshi jyl qatarynan Qazaqstanǵa rekordyq ınvestıtsııalar salyp keledi
«Túrkııa – Qazaqstannyń eń senimdi saýda-ekonomıkalyq jáne ııvnstıtsııalyq seriktesteriniń biri. Ótken jyldyń qorytyndysy boıynsha eki el arasyndaǵy taýar aınalymy 33 protsentke ósip, 4,1 mlrd dollardan asty. Sońǵy 15 jylda Túrkııa el ekonomıkasyna 3,5 mlrd dollardan astam ınvestıtsııa salǵan. Qazaqstan Respýblıkasy tarapynan Túrkııaǵa 1 mlrd dollardan astam ınvestıtsııa bardy», - dedi Á. Smaıylov «Rixos President Astana» qonaq úıinde Qazaqstan-Túrkııa bıznes-forýmynda.
Úkimet basshysy túrik ınvestorlarynyń Qazaqstanǵa degen qyzyǵýshylyǵynyń aıtarlyqtaı óskenin atap ótti. Pandemııaǵa qaramastan úshinshi jyl qatarynan Qazaqstanǵa Túrkııadan rekordyq kólemde ınvestıtsııalar salyndy.
«Ótken jyldyń 9 aıynyń qorytyndysy boıynsha túrkııalyq tikeleı sheteldik ınvestıtsııalar eki esege artyp, 535 mln dollardy qurady. Bul Qazaqstanǵa degen úlken senimniń belgisi, ári bizdiń elimizdegi ońtaıly ınvestıtsııalyq ahýaldyń kórinsi. Qazaqstan COVID-19 pandemııasyna baılanysty ekonomıkalyq qıynshylyqtardy sátti eńserdi. Ótken jyldyń qorytyndysy boıynsha ekonomıkalyq ósim 4 protsentti qurap, ónerkásiptiń pandemııaǵa deıingi kórsetkishterinen asyp tústi. Naqty sektor ónerkásiptiń drvaıveri boldy. Ónerkásip ósimi 3,8 protsentti qurady. Onyń ishinde óńdeý ónerkásibi 5,5 protsentke ósti», - dedi Álıhan Smaıylov.
Shıkizattyq emes sektordaǵy joǵary ınvestıtsııalyq belsendilik ósimniń negizgi faktory boldy. Atalǵan sektordaǵy ınvestıtsııalar 9,5 protsentke ósken.
2021 jyldyń 9 aıynyń qorytyndysy boıynsha Qazaqstanǵa keletin jalpy tikeleı sheteldik ınvetsıtsııalar 50 protsentke artyp, 18,8 mlrd dollardy qurady. Syrtqy suranystyń arýty da ósimge áser etti. Taýar eksporty 27 protsentke artty, óńdelgen taýarlar eksporty 32 protsentke ósip, 19,8 mlrd dollardy qurady. Oń saýda balansy ótken jylǵy deńgeıden 2,2 esege artty.
Aıta keteıik, elordada Túrkııa Respýblıkasynyń Vıtse-Prezıdenti Fýat Oktaı myrzanyń Qazaqstan Respýblıkasyna sapary sheńberinde Qazaqstan-Túrkııa bıznes-forýmy ótip jatyr.
Qazaqstan men Túrkııa 68 tarmaqtan turatyn birlesken is-qımyl josparyn qabyldady. Onda saýda, ónerkásip, ınvestıtsııa, kólik pen tranzıt jáne taǵy basqa salalar qamtylǵan.
