Túrkııa ushaqtarynda Quran tyńdaý qyzmeti iske qosyldy
YSTAMBUL. 10 qańtar. QazAqparat /Irına Dynnıkova/ - Túrik Áýe joldarynyń daýys jáne vıdeo júıelerimen jabdyqtalǵan 30 ushaǵynda jolaýshylarǵa arnalǵan jańa qyzmet túri iske qosyldy.
Tuńǵysh ret shetel reısterin jasaıtyn Túrkııa ushaqtarynda jolaýshylar úshin tek kórkem fılm, mýzyka, oıyndar ǵana emes, sonymen qatar Quran tyńdaý qyzmeti usynyldy.
Sondaı-aq Quran Kárimniń túrik tilindegi maǵynasy da berilip, al bolashaqta bul qyzmet 4 tilge aýdarylýy josparlanyp otyr.
Túrkııa memleketiniń Din isteri basqarmasy men Túrik Áýe joldary basshylyǵynyń birigip uıymdastyrýymen jasalǵan «Daýysty Quran Kárim» qyzmeti, halyq arasynda oń baǵa alyp, jaqyn ýaqytta bul qyzmettiń vıdeo úlgisiniń de iske qosylýy kútilýde.
