Túrkııa ushaǵy Almaty áýejaıyna apatty jaǵdaıda qondy
ALMATY. QazAqparat - Túrkııanyń júk tasymaldaýshy Boıng-747 ushaǵy Almaty áýejaıyna apatty jaǵdaıda qondy, dep habarlaıdy QazAqparat tilshisi.
Almaty áýejaıynyń baspasóz qyzmeti oqıǵa 26 qyrkúıek kúni keshki ýaqytta bolǵanyn málim etti.
«Keshe Gonkongtan Nur-Sultanǵa baǵyt alǵan Air ACT júk tasymaldaýshy Boıng -747 ushaǵynyń komandıri tehnıkalyq aqaýdy baıqap birden Almaty áýejaıyna qonýǵa sheshim qabyldady. Tótenshe jaǵdaı jarııalanǵan joq, qoný jergilikti ýaqyt boıynsha 21:12 qalypty rejımde ótti», - dep habarlady áýejaıdyń baspasóz qyzmeti.
Eske salaıyq, 3 qyrkúıek kúni «Almaty- Semeı» baǵytynda ushqan ushaq qozǵaltqyshy isten shyǵyp, áýejaıǵa qaıtyp kelgen bolatyn.