Túrkııa ýnıversıteti qazaqstandyqtar úshin oqý grantyn bóldi

ASTANA. QazAqparat - Ystanbuldaǵy Shehır ýnıversıteti qazaqstandyq úmitkerler úshin oqý granttaryn bóldi, dep habarlaıdy QazAqparat «Halyqaralyq baǵdarlamalar ortalyǵy» AQ-nyń saıtyna silteme jasap.

Ystanbul Shehır ýnıversıteti qazaqstandyq stýdentterge kelesi mamandyqtar boıynsha oqý granttaryn usyndy: Іskerlik ákimshilik magıstri (1 jyl), Qarjy salasyndaǵy MBA (1 jyl), Bank salsyndaǵy MVA (1 jyl), Ónerkásiptik jáne júıeli ınjenerııa salsyndaǵy magıstr (2 jyl), Elektrotehnıka jáne kompıýterlik tehnıka salsyndaǵy ǵylymdar magıstri (2 jyl), Derekter týraly ǵylym magıstri (2 jyl).

Tolyq tegin oqýǵa 4 grant, 70% jeńildikpen oqýǵa - 10 oryn, 50% jeńildikpen oqýǵa (turý, tamaqtaný, medıtsınalyq saqtandyrý, kólik shyǵyndaryn qospaǵanda, oqý aqysy - 4000 dollar) - 40 oryn qarastyrylǵan.

Aıta keterligi, 2008 jyly negizi qalanǵan Ystanbul Shehır ýnıversıteti Túrkııadaǵy bedeldi ýnıversıtetteriniń biri. Qazirgi ýaqytta JOO-da 5 myń stýdent bilim alýda, onyń 18 paıyzy sheteldik stýdentter.

Oqý 2018 jylǵy naýryz aıynyń basynda bastalady.