Túrkııa: Ýlýdagta álemdegi eń uzyn aspaly jol ashyldy
ASTANA. QazAqparat - Túrkııanyń baıyrǵy taý shańǵysy kororty - Ýlýdagta álemdegi eń uzyn aspaly jol ashyldy, dep habarlady turizm.ru saıty.
Onyń uzyndyǵy - 8,8 shaqyrym. Ol Býrsý qalasyn kýrorttyń shańǵy joldarymen baılanystardy. Endi shańǵyshylar taýǵa Býrsy temirjol vokzalynan birden kóterile alady.
Ýlýdag kóp jyldar boıy Túrkııanyń jetekshi taý shańǵysy kýrorty bolyp keledi. Alaıda sońǵy jyldary onyń túriktiń jas taý shańǵysy kýrorttarymen básekelesýine týra keldi. Tehnıkanyń sońǵy jetistikterimen jaraqtanǵan olar Ýlýdagtan jaılylyraq jáne aýqymy jaǵynan da asyp túsedi. Sondyqtan da kýrort basshylyǵy ony jańartýdy shuǵyl qolǵa aldy.
Aspaly jol 1400 metrge deıin joǵary kóteriledi. Al Býrsanyń ózi teńiz deńgeıinen 395 metr bıikte tur. Toǵyz shaqyrymǵa jýyq jolmen saıahattaý nebári 12 mınýt ýaqyt alady. Jańa aspaly jol 174 kabınalarmen jaraqtanǵan, onyń árqaısysy 8 kisige eseptelgen. Bir saǵatta ol 1500 adamdy tasyp jetkize alady. Jańa aspaly jolda múmkindigi shekteýli adamdardyń da muqtajy oılastyrylǵan.
