Túrkııa qorǵanys mınıstrligi Irannan baǵyttalǵan zymyrannyń joıylǵanyn habarlady
ASTANA. KAZINFORM – NATO-nyń áýe jáne zymyranǵa qarsy qorǵanys kúshteri Túrkııada Irannan ushyrylǵan ballıstıkalyq zymyrandy qaǵyp túsirgen, dep habarlaıdy Kazinform agenttiginiń Ankaradaǵy menshikti tilshisi.
Túrkııanyń ulttyq qorǵanys mınıstrligi Irannan ushyrylǵan jáne eldiń áýe keńistigine baǵyttalǵan ballıstıkalyq zymyrannyń toqtatylǵanyn rastady. Zymyran Irak pen Sırııanyń áýe keńistiginen ótip, keıin Shyǵys Jerorta teńizinde NATO áýe jáne zymyranǵa qarsy qorǵanys júıeleri arqyly joıylǵan.
Mınıstrlik málimdemesine qaraǵanda Hataı oblysynyń Dórtel aýdanynda tabylǵan oq-dári synyqtary nysanany ustaý úshin qoldanylatyn áýe qorǵanys júıelerine tıesili.
Mınıstrlik málimetinshe, Hataı oblysynyń Dórtel aýdanynda tabylǵan oq-dári synyqtary áýe qorǵanys júıelerine tıesili. Oqıǵa saldarynan zardap shekkender joq.
Ankara eldiń jáne azamattarynyń qaýipsizdigin qamtamasyz etý qabileti joǵary deńgeıde ekenin atap ótti. Sonymen qatar Túrkııa aımaqtyq turaqtylyq pen beıbitshilikti qoldaıtynyn, biraq óz aýmaǵy men áýe keńistigin qorǵaý úshin barlyq qajetti sharany qabyldaıtynyn málimdedi.
Málimdemede Túrkııa kez kelgen dushpandyq áreketterge jaýap berý quqyǵyn ózine qaldyratyny jáne barlyq tarapty aımaqtaǵy shıelenisti ýshyqtyrýy múmkin áreketterden bas tartýǵa shaqyratyny kórsetilgen.
Eske sala keteıik, buǵan deıin Taıaý Shyǵystaǵy jaǵdaı Túrkııanyń áýe keńistigine júktemeni kóbeıtkenin jazǵan edik.
