Túrkııa úkimetinde mınıstrlerdiń jartysy aýysty
ASTANA. 26 jeltoqsan. QazAqparat - Túrkııanyń premer-mınıstri Taııp Erdogan sybaılas jemqorlyqqa baılanysty shyqqan shýdan keıin kabınet músheleriniń ornyn aýystyrdy.
Bul tizimde Eýroodaq isteri boıynsha mınıstr Egemen Bagysh ta bar. Onyń esimi jemqorlyqqa baılanysty iste ataldy, degenmen ol qyzmetinen ketýi jóninde ótinish bildirmegen. Jańa kabınet músheleriniń tolyq tizimi áli jarııalanǵan joq.
Keshe, sársenbi kúni ishki ister mınıstri Mýammer Gıýler, ekonomıka mınıstri Zafer Chaglaıan, qorshaǵan ortany qorǵaý jáne qala qurylysy mınıstri Erdogan Baıraktar óz qyzmetterinen ketti. Olardyń uldary 17 jeltoqsan kúni ótkizilgen «Іri para alý» sybaılas jemqorlyqqa qarsy sharasynyń barysynda qamaýǵa alynǵandardyń arasynda bolyp shyqty. Al mınıstrlerdiń ózderine qarsy bas prokýratýrada «para aldy degen aıyppen» qylmystyq ister qozǵalýda.
Qarjy qylmysyna qarsy kúres basqarmasy ótkizgen shara barysynda 50-den astam kúdikti ustaldy. Olardyń báriniń aqshanyń jylystaýyna, jemqorlyq jáne altyn kontrabandasyna qatysy bar.
