Túrkııa týrıster úshin shekarasyn ashty

ANKARA. ANADOLY-QazAqparat – Beısenbi kúni Túrkııa túrik jáne shetel azamattarynyń elge kirip-shyǵýyna ruqsat berdi. Bul týraly QazAqparat Anadoly agenttigine silteme jasap habarlaıdy.

Mundaı sheshim el prezıdenti Redjep Taıyp Erdoǵan basshylyǵymen ótken Mınıstrler kabıneti otyrysynan keıin qabyldandy.

Áýe tasymaly densaýlyq saqtaý, syrtqy ister jáne kólik mınıstrlikterimen birlesip úılestiriledi. Túrkııaǵa kelgen túrik jáne shetel azamattary medıtsınalyq tekseristen ótedi. Jańa jarlyq eldiń barlyq provıntsııalaryna jiberildi.

Eske sala keteıik, 11 maýsymdaǵy jaǵdaı boıynsha Túrkııada koronavırýs ınfektsııasynyń 987 jańa deregi tirkelgen. 1021 naýqas saýyǵyp shyqsa, 17-si vırýstan kóz jumǵan.

Amerıkalyq Djons Hopkıns ýnıversıtetiniń málimetinshe, álemde 459 500-den astam adam koronavırýs pandemııasynan qaıtys bolǵan. Koronavırýstyń rastalǵan jaǵdaılarynyń sany - 7,72 mln.