Túrkııa turǵyndary úshin Mysyr tartymdy týrıstik baǵytqa aınalýda

ASTANA. KAZINFORM — Mysyr qoljetimdi baǵa, vızasyz rejım jáne kólik qatynasynyń yńǵaılylyǵy jaǵynan túrik týrısteri arasynda qarqyndy túrde tanymal bola bastady, dep habarlaıdy Kazinform tilshisi.

Ekonomim gazetiniń dereginshe, sońǵy bir jylda Mysyrda demalǵan túrkııalyqtardyń sany 70%-ǵa artyp, 250 myń adamǵa jetken. 2025 jyly bul kórsetkishtiń taǵy 30%-ǵa ósýi múmkin.

Sarapshylardyń aıtýynsha, negizgi sebepterdiń biri – baǵa aıyrmashylyǵy men jeńildetilgen kirý sharttary. Eger Túrkııa kýrorttaryndaǵy tórt juldyzdy qonaqúılerde bir túngi demalys quny 100-220 eýro bolsa, Mysyrdaǵy tanymal baǵyttarda ol bar bolǵany 90-130 eýro shamasynda.

2025 jylǵy jańa áýe qatynasy týraly kelisim de áserin tıgizdi, ol eki el arasyndaǵy reıster sanyn eki esege arttyrdy.

Týroperatorlar bıylǵy kúzde Mysyrǵa arnalǵan paket-týrlardyń erekshe suranysqa ıe bolǵanyn aıtady. Tatilsepeti kompanııasynyń málimetinshe, bul baǵyttaǵy suranys 40%-ǵa ósken.

Buǵan deıin Túrkııadaǵy eń baı aımaqtar reıtıngi jarııalandy.