Túrkııa tarıhı saılaýǵa daıyndalyp jatyr
Qazirgi ýaqytta eldiń kóptegen qalalarynda saılaýaldy aktsııalar ótip jatyr.
Túrkııa Prezıdenti Redjep Taıyp Erdoǵan kezekten tys prezıdenttik jáne parlamenttik saılaýdyń ótetinin 19 sáýir kúni málim etken bolatyn. Túrkııanyń Joǵary saılaý komıssııasy saılaý merzimin belgilegen soń, prezıdent laýazymyna úmitkerler jáne saıası partııalar úgit-nasıhat aktsııalary men mıtıngter uıymdastyrýdy bastady.
Elde kúnine birneshe ret úmitkerlerdiń saılaýaldy ýádelerin jarııa etip júrgen aktsııalar ótip jatyr.
Olar avtobýstarmen Túrkııanyń jaqyn jáne alys ornalasqan aýdan ortalyqtarynda da kezdesýler uıymdastyrýda. Sondaı-aq, partııa ókilderi saılaýshylar arasynda tanystyrý kitapshalaryn taratty.
Úgit-nasıhat sharalary saýda úılerinde de júrgizilýde. Úmitkerlerdiń keıbireýleri jarnama aktsııalary arqyly saılaýshylardyń kóńilin aýdarýdy jón dep sheshti.
24 maýsymda ótetin prezıdenttik jáne parlamenttik saılaýlarda memleket ishinen 59 391 328, shet elden 3 049 065 saılaýshy daýys berýge quqyly.
Túrkııa azamattary úshin saılaý ýchaskeleri 60 elde jumys isteıdi jáne sheteldegi 123 dıplomatııalyq ókildikterde ornalasqan.
