Túrkııa tarapy «Ońtústik aǵyn» gaz qubyry jobasyna kelisimin berdi
YSTAMBUL. 30 jeltoqsan. QazAqparat /Irına Dynnıkova/ - Túrkııa men Reseı «Ońtústik aǵyn» tabıǵı gaz qubyrynyń qurylýy jaıynda kelisimge keldi.
Túrkııa, Qarateńiz arqyly Eýropaǵa tasymaldanatyn Reseı gaz qubyrynyń Qarateńiz ekonomıkalyq aımaǵynan ótýine ruqsat berdi.
Máskeýde Túrkııanyń energııa jáne tabıǵı resýrstar mınıstri Taner Iyldyz, Reseı premer-mınıstri Vladımır Pýtınge Gazpromnyń atalmysh gaz qubyry jobasynyń qurylysyn bastaýyna ruqsat beretin Túrkııa memorandýmyn tapsyrdy.
Qara teńizdiń astymen júrgiziletin «Ońtústik aǵyn» gaz qubyry, Eýropa odaqtyń Reseıge táýeldiligin azaıtatyn Nabýkko jobasynyń eń úlken básekelesi bolmaq.
«Ońtústik aǵyn» gaz qubyry Ýkraınany jobanyń tysynda qaldyryp, Qara teńiz arqyly Bolgarııaǵa, odan ári Italııa men Avstrııaǵa deıin barýy josparlanyp otyr.
«Ońtústik aǵyn» gaz qubyry jobasynyń negizi 2009 jyly Italııa premer-mınıstri Sılvıo Berlýskonı, Reseı premer-mınıstri Vladımır Pýtın jáne Túrkııa premer-mınıstri Rejep Taıyp Erdoǵan arasyndaǵy kezdesýlerinde qalanǵan bolatyn.
