Túrkııa tankileri Sırııaǵa kirdi
ASTANA. QazAqparat - Túrik tankileri shekarany kesip ótip, Sırııaǵa kirdi, dep habarlady Reuters derekkózderge silteme jasap. Sırııalyq Djarablýs mańyndaǵy operatsııa «IM» terrorlyq uıymy jáne sırııalyq kúrdterge qarsy baǵyttalǵan, dep málimdedi Túrkııa prezıdenti Redjep Erdoǵan. Bul týraly RBK habarlady.
Túrik tankileri «Evfrat qorǵany» operatsııasy aıasynda sırııalyq Djarablýs qalasyna kirdi. Reuters tilshisi shekarada alty tanki kórgen. Túrik ushaqtary men artıllerııa bir ýaqytta soqqylar jasady.
Túrkııa prezıdenti Redjep Erdoǵan 24 tamyzda soǵys operatsııasynyń bastalǵany jaıly resmı málimdedi. Onyń aıtýynsha, ol «Islam memleketi» terrorlyq uıymyna jáne kúrdterdiń jeke qorǵanys kúshterine qarsy. Prezıdent Erdoǵannyń aıtýynsha, Túrkııa shekaralyq aýmaqtaǵy shabýyldarǵa osymen núkte qoımaq.
Túrik qarýly kúshteri 24 tamyz, tańerteń Sırııa shekarasy mańynda soǵys operatsııasyn bastady. Tankiler men avıatsııa «IM» nysandaryna boıynsha soqqy jasady. Túrik áskeri tankimen jalpy 70 soqqy jasap, avıatsııa 12 nysanany zaqymdady.
