Túrkııa Sýrých qalasyndaǵy jarylystan keıin Sırııamen shekarada qabyrǵa turǵyzady
ASTANA. QazAqparat - 32 adamnyń ómirin qıǵan Sýrých qalasyndaǵy jarylystan keıin Túrkııa bıligi Sırııamen shekarada modýldy qabyrǵa turǵyzady, dep habarlady Reıter agenttigi Túrkııa úkimetindegi aqparat kózine silteme jasap.
Dúısenbi kúni Sırııamen shekara mańyndaǵy Sýrých qalasynda jarylys bolyp, 32 adam qaza tapty. 100-den astamy jaraqat aldy.
Shekara boıyna uzyndyǵy 150 shaqyrymdy quraıtyn modýldi qabyrǵa turǵyzylady. Ony ońaı jınaýǵa bolady. Sonymen birge keı jerlerde sym qorshaýlary kúsheıtiledi.
Sondaı-aq, qashyqtyǵy 118 kılometr ýchaskeni jaryqtandyryp, shekara mańyndaǵy joldar jóndeledi. Sheneýniktiń aıtýynsha, buǵan shamamen 86 mıllıon dollar jumsalýy múmkin.
