Túrkııa sýdıalary Túrkistandy aralady
Rýhanı ári qasıetti ólkege taban tiregen Túrkııa Joǵary kassatsııalyq sotynyń Bas respýblıkalyq prokýrory Mehmet Akardja men Túrkııanyń Ádilet mınıstriniń orynbasary Shaban Iylmaz, sondaı-aq birqatar sýdıalar men prokýratýra jáne ádilet organdarynyń ókilderi Arystanbab kesenesine zııarat jasap, tarıhı tulǵalar rýhyna taǵzym etti. Əbý Nasyr əl - Farabı, Beıbarys Sultan babalardyń topyraǵy qoıylǵan qulpytas belgisiniń basyna quran baǵyshtady. Túrik delegattary kónermes mura bolyp qattalǵan tulǵalardyń ómir tarıhy, derekteri jóninde maǵlumat aldy. Arystan baba ərýaǵyna quran baǵyshtaýǵa asyǵa jetken resmı qonaqtardy Otyrar aýdanynyń əkimi Erlan Aıtahanov qushaq jaıa qarsy alyp, qoınaýy tarıhqa tunǵan ordaly Otyrardyń meımandostyǵy men berekeli, merekeli qasıetin kórsetti. Aýdan tarıhynan syr shertetin qundy jádigerlermen jasaqtalǵan shejireli kórmeni tanystyrǵan aýdan basshysy ólkeniń órkenıetti beınesin tanytatyn qolóner buıymdaryn qonaqtarǵa estelikter retinde syıǵa tartty. Ólkeniń ólsheýsiz qadir-qasıeti men taǵylymdy tarıhyn kózben kóre júrip qanyqqan baýyrlas el delegattary alǵystaryn bildirse, Ismaıl Djırıt myrzanyń da eki týysqan memlekettiń tarıhy, mádenıeti men ulttyq tamyrynyń ortaqtyǵy, baýyrlastyqtyń shynaıy qonaqjaılylyqpen dəriptelýi asa qatty tebirenis syılaǵanyn jasyrmady. Odan keıin Túrkııanyń sýdıalary men prokýrorlarynan quralǵan delegatsııa «Áziret Sultan» mýzeıine keldi. Sheteldik qonaqtar «Áziret Sultan» memlekettik tarıhı-mádenı qoryq-mýzeıine kelip, Qoja Ahmet ıAsaýı kesenesine zııarat jasady. Baýyrlas túrki elderiniń rýhanı mekeninde babalar rýhyna taǵzym jasap, qoryq-mýzeıdiń tynys-tirshiligi jəne jədigerlermen tanysyp, túrik tilinde mol maǵlumat alǵan delegatsııa músheleri kıeli ólke qushaǵynda jınaqtalǵan ərbir tarıhı dúnıe bolashaq túrki eli urpaqtarynyń da maqtanyshy ekendigin jetkizdi.
